ბინის ფართობი განსხვავდება ნახაზისგან – რა შეიძლება გავაკეთო?

შეიძინე ბინა, მოგვიანებით კი გარეგამეტრი აზომე – ან შეამჩნიე, რომ ნახაზი სრულიად სხვა ფართობს გვიჩვენებს. ეს სიტუაცია საქართველოში ბევრად უფრო გავრცელებულია, ვიდრე ადამიანები ფიქრობენ. მიზეზები კი განსხვავებულია, ასევე გამოსავლებიც.

რატომ ხდება ეს?

საბჭოთა კალკულაციის მეთოდი. ბევრ ძველ კორპუსში ფართობი გამოითვლებოდა “ცხელი” ფართობის პრინციპით – ბალკონები, ლოჯიები და მსგავსი სივრცეები ფართობში არ შედიოდა ან შედიოდა კოეფიციენტით. ახლანდელი ნახაზი შეიძლება ამ ძველ მეთოდს ასახავდეს.

გარდაქმნები ნახაზის განახლების გარეშე. ბალკონი ჩაიკეტა, კედელი დაინგრა, სამზარეულო გაფართოვდა – ნახაზი კი ძველი დარჩა.

აზომვის შეცდომა პირველადი რეგისტრაციისას. ხდება ხოლმე, თუმცა გამოვლინება ძნელია – სწორედ ამიტომ ახალი ბინის შეძენისთანავე ბინის აზომვა ყოველთვის სასარგებლოა.

მშენებლის მიერ არასწორი ჩაბარება. ახალ კორპუსებში ხდება, რომ მშენებელი ბინას ჩააბარებს, მაგრამ ხელშეკრულებაში მითითებული ფართობი ფაქტიურზე მეტია. ეს კი სამართლებრივი დავის საფუძველია.

რა პრობლემებს ქმნის ეს განსხვავება?

გაყიდვა. მყიდველი ან ბანკი ამოწმებს ნახაზს. თუ ფაქტიური ფართობი მნიშვნელოვნად განსხვავდება, გარიგება ჩერდება ან ფასი კორექტირდება.

გადასახადი. ქონების გადასახადი ნახაზის ფართობიდან გამოითვლება. თუ ნახაზი მეტ ფართობს ასახავს, შესაბამისად გადასახადს ზედმეტად იხდი.

კვ.მ-ის ფასი. ბინის გაყიდვისას კვ.მ-ის ფასი ნახაზის ფართობიდან გამოითვლება. არასწორი ნახაზი ნიშნავს, რომ ფასი სინამდვილეს არ ასახავს.

რა ნაბიჯები უნდა გადადგა?

ნაბიჯი 1 – აზომვითი ნახაზის მომზადება სერთიფიცირებული ამზომველი ბინაში ადგილზე ზომავს ყველა სივრცეს. ეს გაზომვა იძლევა ფაქტიურ, ზუსტ ფართობს.

ნაბიჯი 2 – შედარება ახლანდელი აზომვითი ნახაზი შედარდება საჯარო რეესტრის მონაცემებთან. განსხვავება კი ამ დროს დაფიქსირდება.

ნაბიჯი 3 – განახლებული ნახაზის მომზადება – საჭიროების ( უზუსტობის ) შემთხვევაში მომზადდება ახლანდელი შიდა ნახაზი, რომელიც ფაქტიურ მდგომარეობას ასახავს.

ნაბიჯი 4 – საჯარო რეესტრის განახლება განახლებული ნახაზი წარდგება საჯარო რეესტრში საიდანაც განახლდება ქონების მონაცემები.

განსხვავება მხოლოდ 2 კვ.მ-ია – ღირს შესწორება?

ეს კითხვა ხშირია. პასუხი დამოკიდებულია სიტუაციაზე. 2 კვ.მ-ის სხვაობა ყოველდღიურ გამოყენებაში შეუმჩნეველი შეიძლება იყოს, მაგრამ პრემიუმ სეგმენტის ბინებში 2 კვ.მ ათასობით ლარს შეიძლება ნიშნავდეს. გაყიდვის ან სესხის გამოყენებამდე ნახაზის სიზუსტე ყოველთვის სასარგებლოა.